दौडिँदै हिँडेको बाटो,
हास्दै बिताएको पल,
सपना बोक्ने आँखाको
भविष्य त कतै हरायो जस्तो छ|
पर्खाइको घडी लामो भयो,
न त गन्तव्य भेटियो,
न त उत्तर पाइयो ,
प्रश्न मात्र मनमा गाँसिँदै गए।
संसारको भिडभाडमा
आफ्नै आवाज हराए झै,
हजार रंग देख्दा पनि
मनमा रङ फिका भयो।
म यात्रा गर्दैछु निरन्तर
तर मन्जिल अझ टाढा छ,
आफैँलाई खोज्दा खोज्दै
सोच्दै बस्छु—
म अहिले कहाँ छु ?
-अलि महम्मद मिया
गोर्खा
(हाल इजरायल)
सम्बन्धित समाचार
