माधव अधिकारी
काठमाडौँ । समाजशास्त्र केन्द्रीय विभाग, त्रिभुवन विश्वविद्यालयको आयोजनामा नयाँ पुस्ता र नेपालमा समाजशास्त्रको भविष्य विषयक समाजशास्त्रको वार्षिक सम्मेलन त्रिवि केन्द्रीय पुस्तकालयको सभाकक्षमा सम्पन्न भएको छ ।
समारोहलाई सम्बोधन गर्नुहुँदै त्रिवि उपकूलपति प्रा.डा. दीपक अर्यालले नेपालमा समाजशास्त्रको विकास र प्रवद्र्धनमा त्रिविको महत्वपूर्ण भूमिका रहेको उल्लेख गर्नुभयो । त्रिवि समाजशास्त्र केन्द्रीय विभागका विभागीय प्रमुख डा. पासाङ्ग शेर्पाले नेपालको समाजशास्त्रीय चिन्तनमा नयाँ पुस्ताको सहभागिता प्रवद्र्धन गर्नुपर्ने बताउनुभयो । कार्यक्रममा समाजशास्त्रीले विभिन्न विषयमा कार्यपत्र प्रस्तुत गर्दै सहभागीका जिज्ञासाको जवाफ दिनुभएको थियो । तीन् सत्रमा १२ वटा कार्यपत्र प्रस्तुत गरिएको थियो ।
सोही अवसरमा विभागद्वारा प्रकाशित नेपाल जर्नल अफ सोसियोलोजीको विमोचन समेत गरिएको थियो । जर्नलबारे पूर्व विभागीय प्रमुख प्रा.डा. गणेशमान गुरुङ्गले प्रकाश पार्नुभएको थियो । समारोहमा विश्वविद्यालय क्याम्पस, कीर्तिपुरका प्राचार्य प्रा डा अक्कल् देव् मिश्र, सहायक् डीन् डा चिरन्जिवी आचार्य, पूर्व विभागीय प्रमुख प्रा डा गणेशमान् गुरुङ्, प्रा डा कैलाशनाथ प्याकुरेल्, प्रा डा तुल्सीराम पाण्डे, नेपाल् र एशीयाली अध्ययन केन्द्रका निर्देशक डा मृगेन्द्र बहादुर् कार्कीले बोल्नुभएको थियो । बोल्नुभएको थियो । पूर्वविभागीय प्रमुख, प्राध्यापक र विद्यार्थीको उत्साहजनक सहभागिता रहेको कार्यक्रमका सहभागीलाई प्रा.डा. सुरेन्द्र मिश्रले स्वागत गर्नुभएको थियो । समारोहको सञ्चालन डा. टीकाराम गौतमले गर्नुभएको थियो ।
