शनिबार, मंसिर ६, २०८३ | November 21, 2026

प्रधानमन्त्री वालेन्द्र शाहको भारत भ्रमण नेपाल सरकारबाट स्वीकृत

प्रधानमन्त्री वालेन्द्र शाहको भारत भ्रमण नेपाल सरकारबाट स्वीकृत

  • Naveen Sanchar

  • शुक्रबार, मंसिर ५, २०८३

  • 21
    Views
प्रधानमन्त्री वालेन्द्र शाहको भारत भ्रमण नेपाल सरकारबाट स्वीकृत

काठमाडौँ, मङ्सिर ४ गते । प्रधानमन्त्री वालेन्द्र शाहको आगामी मङ्सिर ६ र ७ गते हुने भारतको राजकीय भ्रमण नेपाल सरकारले स्वीकृत गरेको छ।

बिहीबार बसेको नेपाल सरकार, मन्त्रीपरिषद बैठकले प्रधानमन्त्री शाहको नेतृत्वमा हुने भारत भ्रमण स्वीकृत गर्नुका साथै भ्रमणमा सहभागी हुने नेपाली प्रतिनिधिमण्डल गठन गर्ने निर्णय गरेको हो ।

बैठकले भोटेकोशी नदीमा आएको आकस्मिक बाढीबाट प्रभावितको जीवनरक्षा तथा तत्कालीन आपत्कालीन उद्धार र राहत कार्यका लागि चीन सरकारबाट प्राप्त हुने दुई मिलियन अमेरिकी डलर नगद अनुदान सहायता स्वीकार गर्ने निर्णय गरेको छ ।

अन्तर्राष्ट्रिय मुद्रा कोष (आइएमएफ)बाट ‘र्‍यापिड क्रेडिट फेसिलिटी’ (आरसिएफ) अन्तर्गत प्राप्त हुने करिब १०७ मिलियन अमेरिकी डलर बराबरको निर्व्याजी सहुलियतपूर्ण ऋण स्वीकार गर्ने निर्णय पनि बैठकले गरेको छ ।

यसैगरी, मन्त्रिपरिषद्‌ले देशभर नापजाँच हुन बाँकी रहेका सरकारी, सार्वजनिक र सामुदायिक जग्गाको नापजाँच गरी लगत तयार गर्न आदेश जारी गर्ने निर्णय गरेको छ ।

बैठकले नीतिगततर्फ तीन महत्त्वपूर्ण दस्तावेजसमेत स्वीकृत गरेको छ । जसमा ‘राष्ट्रिय जैविक विविधता रणनीति तथा कार्ययोजना (सन् २०२६–२०३०), ‘ऐतिहासिक, पुरातात्त्विक र सांस्कृतिक सम्पदा संरक्षणसम्बन्धी नर्म्स, २०८३’ र ‘राष्ट्रिय झोलुङ्गे पुल नीति, २०८३’ स्वीकृत गर्ने निर्णय समावेश छन् ।

मन्त्रिपरिषद् बैठकका मुख्य निर्णय

२०८३ मङ्सिर ६ र ७ गते प्रधानमन्त्री वालेन्द्र शाहको नेतृत्वमा हुने भारतको राजकीय भ्रमण स्वीकृत गर्ने र भ्रमणमा सहभागी हुने नेपाली प्रतिनिधिमण्डल गठन गर्ने ।
चीन सरकारबाट भोटेकोशी नदीमा आएको आकस्मिक बाढीबाट प्रभावित जनताको जीवनरक्षा तथा तत्कालीन आपत्कालीन उद्धार र राहत कार्यका लागि प्राप्त हुने २ मिलियन अमेरिकी डलर नगद अनुदान सहायता स्वीकार गर्ने ।
अन्तर्राष्ट्रिय मुद्रा कोषबाट र्‍यापिड क्रेडिट फेसिलिटी अन्तर्गत प्राप्त हुने करिब १०७ मिलियन अमेरिकी डलर बराबर निर्व्याजी सहुलियतपूर्ण ऋण स्वीकार गर्ने ।
नेपालभर नापजाँच हुन बाँकी रहेका सरकारी, सार्वजनिक र सामुदायिक जग्गा नापजाँच गरी लगत तयार गर्नका लागि आदेश जारी गर्ने ।
राष्ट्रिय जैविक विविधता रणनीति तथा कार्ययोजना (२०२६–२०३०) स्वीकृत गर्ने ।
ऐतिहासिक, पुरातात्त्विक र सांस्कृतिक सम्पदा संरक्षणसम्बन्धी नर्म्स, २०८३ स्वीकृत गर्ने ।
राष्ट्रिय झोलुङ्गे पुल नीति, २०८३ स्वीकृत गर्ने ।


सम्बन्धित समाचार

© copyright 2026 and all right reserved to Naveen Sanchar Griha