म एक यात्री हुँ, बाटोको धुलोमा रमाउने,
सपना बोकी हिँड्ने, पीडालाई पनि गुनाउने।
कहिले घाम त कहिले छायाँ, जीवनको खेल यस्तै,
हासो भित्र लुकेका आँसु मनमै चुपचाप सुकाउने।
कति मोड आए बाटोमा, कति साथी छुटे बीचमै,
तैपनि हिम्मत सम्हालेर अघि बढ्नै सिकाउने।
गन्तव्य टाढा भए पनि आशाको दियो बलिरह्यो,
अँध्यारो रात चिर्दै बिहानको किरण देखाउने।
म एक यात्री हुँ, समयसँगै अघि बढिरहने,
दुःख–सुखको गीत गाई जीवनलाई सजाउने। 
-अलि महम्मद मिया
गोर्खा
(हाल इजरायल )
——————————————————————————
यहाँ पनि आफ्ना समाचार, अन्तर्वार्ता, लेखरचना, पाठक पत्र आदि नवीनसञ्चार अनलाइनमा प्रकाशन गर्न इच्छुक हुनुहुन्छ भने हाम्रो इमेल ठेगाना news@naveensanchar.com मा फोटोसहित पठाउन सक्नुहुन्छ । धन्यवाद ।
सम्बन्धित समाचार
