-तोमनाथ उप्रेती
समाजको आकाशमा उड्छन्
स्वार्थका व्यालिस्टिक मिसाइलहरू
प्रत्येक घमण्ड एक लन्चर
आत्म–ध्यान नहुने व्यक्ति
शब्दहरू बम
दृष्टि–तारा ज्वालामुखी झैँ
संवादको आकाशमा आगोका फुल बगाउँछन्।
विद्यालय, कार्यालय, घरसबै रङ्गीन
जहाँ इगोको स्याटेलाइट घुम्छ
वास्तविकता
मिसाइलको निशान
सहिष्णुता बायोडाटा
करुणा स्ट्यान्डबाइ
विश्वासको ढुङ्गा धराप
नेतृत्वको नाक्की र्याडार
आलोचना फुल–स्क्रिनमा
अहंकारको ए.आई.ले निर्णय गर्छ
मानवताको फेल पास।
दर्शनको ध्वनि म्युट
प्रेम र सहयोगको सिग्नल ब्लक
ज्ञानको रडार भ्रममा
विनम्रता प्यालेटमा ‘नट–फाइन्ड’।
प्रतीकहरू झैं
ब्यालिस्टिक मिसाइलहरू इगोको,
सत्यको स्यान्डबक्समा खेल्ने बालकहरू विस्थापित
भौतिक उपमा
घमण्डको हतियार
दृष्टिकोणको विस्फोटक
आकाशमा आइरनीको तारा झिलिमिली
“समानता!” भन्ने घोषणापत्र
तर
तल सिस्टर–क्यान्डलमा हाँसो।
स्वार्थको रडारले मित्रता होल्ड गर्न भुल्छ
मिसाइलको डर मात्र होइन
धेरै विनाश पछि पनि छ आशाको बुस्टर
मूल्य
नैतिकता
र
सहिष्णुता ।
