काठमाडौँ । मेचीमहकाली बुहारी सयुक्त आवाजको चौँथो वार्षिकोत्सव तथा संस्थाकी परिकल्पनाकार यमु शर्मा सुब्बाको जन्मदिनको अवसरमा संस्थाको बारा जिल्ला कार्यसमितिले निजगढ नगरपालिका वडा नम्बर ४ निवासी क्यान्सर पीडित बालिका स्वस्तिका तिमल्सिनालाई उपचारको लागि आर्थिक सहयोग गरेको छ । सो अवसरमा क्यान्सरपीडित बालिका तिमिल्सिनाको परिवारलाई उपचार खर्च स्वरुप ११ हजार एक सय रुपैयाँ आर्थिक सहयोग प्रदान गरिएको संस्थाले जनाएको छ । सोही वडास्थित मानवसेवा आश्रममा रहेका ३० जना वृद्धवृद्धालाई बिहानको भोजन समेत वितरण गरी संस्थाको वार्षिकोत्सव मनाइएको थियो । कार्यक्रममा निजगढ नगरपालिकाका जनप्रतिनिधि, आश्रम व्यवस्थापन तथा आयोजक संस्थाका पदाधिकारीको उपस्थिति रहेको थियो ।संस्थाले महिला तथा बलाबालिकामाथि हुने हिंसाविरुद्ध विविध रचनात्मक क्रियाकलाप सञ्चालन गर्दै आएको छ ।