दोहा कतार : एनआरएन एनसीसी कतारको एघारौँ राष्ट्रिय अधिवेशनबाट निर्वाचित नयाँ कार्यसमितिले राजदूतसँग भेटघाट गरेका छन् । एनसीसी कतारका अध्यक्ष पदम गिरीको नेतृत्वमा कार्यसमिति सहित आईसिसि सदस्यहरु, संघका परिषद् मानार्थ सदस्य तथा पूर्व अध्यक्ष मोहम्मद मुक्तादा मुसलमान, पूर्व अध्यक्ष एवं बर्तमान अन्तराष्ट्रिय सल्लाहाकार कमलमणि गुरागाई लगायतको टोलीले बिहिबार नेपाल राजदूतावासमा पुगेर समितिले कतारका लागि नेपाली राजदूत रमेश चन्द्र पौडेलसँग भेटघाट तथा छलफल गरेको हो ।
भेटघाटमा एनसीसीका तर्फबाट नवनिर्वाचित अध्यक्ष गिरिले नवनिर्वाचित कार्यसमितिको बारेमा बोल्दै हामि प्रतिस्पर्धा गरेर आएका हैनौ, जुन संस्थाको परिकल्पना गरेर संसार भरि स्थापित भएका एनसीसीहरु सरह केन्द्रले देखाएको बाटो पच्छाउदै आएको बताएका छन् । बिगत लामो समय देखि दुताबाससंग भएका सहकार्यहरु को स्मरण गर्दै, आगामी दिनहरु मा पनि अनवरत रुपमा सहकार्य तथा श्रमिकहरु को समस्याहरु लिएर आउदा दूतावासमा सहजता अपनाईदिनुहुन आग्रह गरेका छन् ।
राजदूत पौडेलले नवनिर्वाचित समितिलाई बधाई दिँदै श्रमिकका पक्षमा काम गर्न आग्रह गर्दै शुभकामना दिएका थिए । केन्द्रमा भएकाको विवादका कारण एनसीसीको विभाजन दुर्भाग्य पूर्ण रहेको बताए। संस्थागत बिभाजन देखिए पनि मन विभाजन हुनुहुदैन, सामाजिक कार्यहरु मा पारस्परिक सहकार्यको भावना राख्यो,भने सामाजिक मान्यताको उचाई अझ माथि हुने बताएका छन् । भर्खरै मात्र केन्द्रमा सम्पन्न भएको आईएलओ संगको सम्झौताको बारे चर्चा गर्दै, अत्यन्तै महत्वपूर्ण सम्झौता रहेको तथा मध्यपूर्वका श्रमिकहरु लाई पनि असाधारण लाभ हुने आशा व्यक्त गरे ।
