दोहा कतार: हरेक बर्ष जस्तै यो बर्ष पनि प्रवासी नेपाली एकता मञ्च कतारले नेपाली नारीहरुको महान पर्व हरितालिका तिजको अवसरमा “तिजको शुभकामना बिशेष कार्यक्रम २०२५” भव्य रुपमा मनाएको छ ।शुक्रबार नज्मामा स्थित क्राउन प्लाजा होटेलको सभाहलमा संस्थाका अध्यक्ष मोहम्मद मुक्तादा मुसलमानको सभापतित्व तथा एनआरएनए एनसीसी कतारका अध्यक्ष पदम गिरीको प्रमुख आतिथ्यतामा कार्यक्रम सम्पन्न भएको हो ।
कार्यक्रममा एनआरएनए एनसीसी कतारका अध्यक्ष पदम गिरीको नेतृत्वमा २०२५-०२७ कार्यकालको लागि निर्वाचित भएका सम्पूर्ण पदाधिकारीहरु, सिङ्गो कार्यसमितिलाई बधाई तथा सम्मान पत्रले सम्मानित गरेका थिए। दोहामा स्थापित विभिन्न संघ संस्थाका अध्यक्ष एव प्रतिनिधि समाजसेवी, बुद्धिजीवी, पत्रकार, कलाकारहरु बाक्लो उपस्थिति रहेको कार्यक्रमलाई शुभकामना मन्तब्यका क्रममा बक्ताहरुले तिजको महत्व र महिमाका बारे चर्चा गर्दै, चेलीबेटीहरुको उल्लेखनीय उपस्थिति रहेकोमा प्रशंसा ब्यक्त गरेका थिए ।
कतारमा रहनु भएका नेपाली चेलीबेटीहरु रङ्गीचङ्गी पहिरन गरगहना र रातो सारीमा सजिएर बाक्लो उपस्थिति रहेको कार्यक्रममा तिजको गीतमा छमछमी नाचेका थिए । जसले गर्दा नेपाली तिजको गीत संगीत र नाचले पुरै हल गुन्जायमान भएको थियो।प्रवासमा रहेर पनि नेपाली दिदीबहिनीहरुलाई सामुहिक रुपमा भेला गरि नेपाली परम्परा अनुसार सेल रोटी खिर अचारका परिकारहरु सहित तिजको दर खुवाएको थियो।
कार्यक्रममा नेपाली राष्ट्रिय गान गाउदा नेपाली राष्ट्रियता झल्किएको थियो, राष्ट्र प्रति समर्पित ज्ञात अज्ञात शहिदप्रति एक मिनेट मौन धारण गरि शहिदहरु प्रति सम्मान व्यक्त गरिएको थियो ।, कलसमा दियो प्रज्वलन गरेर, बयानर अनावरण सहित उद्घाटन गरिएको थियो, मञ्च कतार सचिवालय सदस्य शुशिला राईले स्वागत मन्तव्य राखेको कार्यक्रममा मंचका सचिव रुक बहादुर राणा भट्टले सहजीकरण गरेको थियो।
कार्यक्रममा प्रमुख अथिति गिरीले मन्तब्यका क्रममा आयोजक मञ्च कतारलाई धन्यवाद दिदै एनसीसी कतारले दोहामा स्थापित सम्पूर्ण संस्थाहरु संग सहकार्य गर्ने बताएका छन्।कार्यक्रमको अन्तिममा समापन गर्दै मञ्च कतारका अध्यक्ष तथा कार्यक्रमका सभापति मोहम्मद मुक्तदा मुसलमानले कार्यक्रम लाई भब्य, सभब्य, तरिकाले सम्पन्न गर्न सहयोग गर्ने सम्पुर्णमा हार्दिक धन्यवाद व्यक्त गर्दै कार्यक्रम समापन गरेका थिए ।
