शनिबार, बैशाख १, २०८१ | April 13, 2024

कविडाँडा राष्ट्रिय नाटक विमर्श सम्पन्न

कविडाँडा राष्ट्रिय नाटक विमर्श सम्पन्न

  • Naveen Sanchar

  • आइतवार, चैत्र ११, २०८०

  • 11
    Views
कविडाँडा राष्ट्रिय नाटक विमर्श सम्पन्न

कमाठमार्डौँ, चैत्र ११

कविडाँडा साहित्य समाज चितवनले सर्वनाम थिएटर काठमाडौँसँगको सहकार्यमा एक दिने ‘राष्ट्रिय नाटक विमर्श’ सम्पन्न गरेको छ । कविडाँडा साहित्य समाजका अध्यक्ष एल. बी. क्षेत्रीको अध्यक्षता तथा वरिष्ठ नाटककार अभि सुवेदीको प्रमुख आतिथ्यमा उक्त कार्यक्रम चैत्र १० गते शनिबार सर्वनाम नाटकघरमा सम्पन्न भएको थियो । कार्यक्रममा वरिष्ठ नाटककार मनबहादुर मुखियालाई १० हजार रुपैया नगदसहित ‘कविडाँडा साहित्य सम्मान’ ले सम्मानित गरियो । साथै नाटककार अभि सुवेदीलाई कविडाँडा विशेष सम्मानले सम्मानित गरियो । कार्यक्रममा समालोचक तथा नाट्यविद् प्रा. डा. सावित्री कक्षपतीले ‘उत्तरवर्ती नेपाली नाटकको विकासक्रम’ तथा नाट्यविद् तथा समालोचक डा. अशोक थापाले .नेपाली रङ्गमञ्चमा नाट्यप्रविधिको विकासक्रमस् लालटिनदेखि ल्यापटपसम्मू शीर्षकमा कार्यपत्र प्रस्तुत गरेका थिए । कार्यक्रमको अर्को चरणमा ‘सीमान्तीकृत स्वरहरूको प्रतिबिम्वनमा नेपाली रङ्गमञ्च’ विषयमा परिचर्चा सम्पन्न भयो । नटककार तथा निर्देशक प्रवीण पुमाले मध्यस्थता गरेको यस परिचर्चामा नाट्यकर्मीहरू पुरु लम्साल, सरस्वती चौधरी, रामभजन कामत तथा अन्जान प्रदीपले बहस गरेका थिए ।

कार्यक्रमको अवधारणापत्र प्रस्तुत गर्दै समालोचक महेश पौड्यालले नाटकले प्रचीनकालदेखि नै प्रतिशील र जनपक्षीय विषय उठाउँदै आएको र यसले तत्काल प्रभाव छोड्न सक्ने विधा भएको तर्क गरे । उनले भने, नाटकलाई अवयवहरूमा छुट्याएर मूल्याङ्कन गर्न सकिँदैन, यसलाई पूर्ण प्रभाव यानि ‘टोटल इफेक्ट’ का आधारमा मूल्याङ्कन गर्नु पर्दछ ।

प्रमुख अतिथि अभि सुवेदीले बालकृष्ण समको विरासतलाई अषेश मल्लले निरन्तरता दिएको बताए । उनले नेपाली नाटकले परम्परागत स्वरूपलाई परिमार्जित गरेर बढीभन्दा बढी दर्शकसँग जोडिने प्रयास गरिरहेको बताए । सम्मानित नाटककार मनबहादुर मुखियाले विगतका दिनमा नाटक मञ्चनका अप्ठ्याराहरूको चर्चा गर्दै यसका आजका उपलब्धिहरू गौरवयोग्य भएको बताए । कार्यक्रममा नाटककार अशेष मल्ल, नाट्यविद् प्रा. डा. रामचन्द्र पोखरेल तथा कवि मीना श्रेष्ठले शुभकामना मन्तव्य प्रस्तुत गरेका थिए । यसै कार्यक्रममा समालोलक कक्षपतीको ‘वाचिक अभिव्यञ्जना, प्रह्लाद नाटकका सन्दर्भमा’ शीर्षकको समालोचना ग्रन्थ्रको पनि लोकार्पण गरिएको थियो ।  कार्यक्रमको अन्त्यमा अशेष मल्लको आलेखमा ‘कुमारजी आज्ञा गर्नुहुन्छ’ नाटकलाई सर्वनाम थिएटरले प्रस्तुत गरेको थियो । नाटकलाई रसिकराजले निर्देशन गरेका थिए ।

सभाका सभापति तथा कविडाँडा साहित्य समाजका अध्यक्ष कवि एल।बी। क्षेत्रीले आफ्नो संस्था साहित्यका सबै विधाप्रति उत्तिकै संवेलनशील भएको हुँदा नाटकलाई पनि आफ्नो चिन्तनको केन्द्रमा राखेको बताए । समाजका उपाध्यक्ष उदय अधिकारले स्वागत तथा परिचयात्मक मन्तव्य प्रस्तुत गरेका थिए । कार्यक्रमको सञ्चालन समालोचक तथा कवि महेश कार्की क्षितिजले गरेका थिए ।


सम्बन्धित समाचार

© copyright 2024 and all right reserved to Naveen Sanchar Griha