प्रारम्भिक छलफलमा प्रमुख अनुसन्धानकर्ता डा.सोनी बरालले ” Understanding Relations between People and Forest: A Socio- Ecological Dimenstion of Community Forestry” शीर्षकको कार्यपत्र प्रस्तुत गर्नुभएको थियो । छलफलमा वन तथा वातावरण मन्त्रालय,वन विभाग, वन उपभोक्ता महासंघ, वनसँग सम्वन्धी गैरसरकारी संस्था Resilient communities, sustainable and equitable forest landscapes (RECOFTC), वनसँग सम्वन्धित विषयमा अनुसन्धारत संस्था Southasia Institute of Advanced Studies(SIAS), वन विज्ञान विषयहरुका प्राध्यापक तथा शोधार्थी विद्यार्थीहरु आमन्त्रित उक्त छलफलमा सहभागीहरु सामुदायिक वनको पहिचान कायम राख्न, वनसँग समुदायको अपनत्व वढाउन, वनवाट उत्पादित सामाग्रीहरुको बजारीकरण गर्न, सामुदायिक बनप्रतिको नकरात्मक सहरी भाष्यलाई चिर्दै आदिवासी,सिमान्तकृत समुदायको उत्थानका लागी सामुदायिक वन प्रभावकारी हुने विषयलाई अनुसन्धान प्राप्तीमा जोड दिन समेत सुझाव दिनुभएको थियो । छलफलमा माथिल्लो निकायवाट वनेको कानून तथा नीतिहरु सामुदायिक वनको पक्षमा नरहेको, सामुदायिक बनलाई घाँउ दाउरा मात्रै भनेर बुझ्ने गरेको, स्थानियहरुको आवाजहरु प्रतिविम्वित नभएको गुनासोका विषयमा पनि सरोकारवालाहरुले ध्यानकर्षण गर्नुभएको थियो । डिसेम्वर सन् २०२५ मा स्वीकृत भएको उक्त अनुसन्धान परियोजनाको लागत रु ४३ लाख रहेको, परियोजनामा ३ जना स्नातकोत्तर र १ जना विद्यावारिधि तहमा अध्ययरत शोर्धाथी संलग्न रहेको साथै अनुसन्धान परियोजनाकै विषयमा आधारित रहेर ४ वटा अन्तराष्ट्रीय अनुसन्धान अनुसन्धान जर्नलमा लेख प्रकाशित गर्ने योजना रहेको मुख्य अनुसन्धानकर्ता डा.सोनी बरालले जानकारी दिनुभएको थियो ।