-नवीनसञ्चार सम्वाददाता
दक्षिण कोरिया ।

नेपालको कञ्चनपुर जिल्लास्थित बेलौरी नगरपालिका वडा नं. ५, घर भई  विगत ८ वर्षदेखि दक्षिण कोरिया (충청남도 당진시, 합덕읍 버그내 2길 31-9) मा कार्यरत ३५ वर्षीय दीपक चौधरी  फेब्रुअरी २० तारिख दिउँसो १:२० बजे देखि सम्पर्क विहीन हुनु भएको छ। उक्त दिनदेखि निरन्तर खोजी कार्य भइरहे पनि हालसम्म उहाँको अवस्था सम्बन्धी कुनै जानकारी प्राप्त हुन सकेको छैन। परिवारको आग्रह अनुसार स्थानीय कोरियन प्रहरी कार्यालयमा समेत खोजतलासका लागि निवेदन दिइसकिएको थारू कल्याणकारिणी सभा कोरियाले जनाएको छ ।  सम्पूर्ण कोरियावासी नेपाली दाजुभाइ तथा दिदीबहिनीलाई खोजी कार्यमा आवश्यक सहयोग गरिदिनुहुन सभाले अनुरोध गरेको छ । कुनै जानकारी प्राप्त भएमा नजिकको प्रहरी कार्यालय वा परिवारजनलाई तुरुन्त जानकारी गराइदिनुहुन अनुरोध गरिएको छ ।

ईन्द्र चौधरी (गाउँले) – 010-9948-0128