दोहा कतार:नेपाली महिला समाज कतारको आयोजनामा “रमाइलो तिज सचेतना तथा बृहत् सांस्कृतिक कार्यक्रम २०२५” कार्यक्रम सभ्य र भव्यताका साथ सम्पन्न भएको छ। नेपाली नारीहरुको महान पर्व हरितालिका तीज घर-देशमा जस्तै विश्वभर छरिएर रहेका नेपाली चेलीहरुले एक ठाउँमा भेला भएर सुख-दु:ख साटासाट गरेर, गीत संगीतका साथ रमाइलो गरी दर खाएर कतारमा पनि धुमधामसँग मनाएका छन।शुक्रवार कतारको मंसुरा स्थित होटेल होलिडे भिल्लाको म्याजेस्टिक सभाहलमा करिब बाह्रसय भन्दा बढी दर्शक उपस्थिति रहेको सचेतना तथा विविध सांस्कृतिक कार्यक्रममा नेपालबाट आमन्त्रित अथिति कलाकार द्वय लोक दोहोरि गायिकाहरु टिका पुन र रेजिना परियारले आफ्नो प्रस्तुति दिँदै धमका मच्याउदै उपस्थित दर्शकहरूलाई भरपूर नचाए ।
कार्यक्रमको मुख्य आकर्षकको रूपमा रहेकी नेपालबाट आमन्त्रित अतिथि कलाकार रेजिना परियार कार्यक्रमको उतार्धमा स्टेज चढिन उनले कर्मैले परदेश पुरायो, यतिको भएसी चल्छ नेपालमा, भुल परे दाइ म त, नाच ओई बाटुली, परे म त छक्कै जस्ता आधा दर्जन गीतमा आफ्ना सागिंतिक प्रस्तुति राखिन, रेजिनाको प्रस्तुतिमा कतारमा रहेका नेपाली दिदीबहिनीहरू निकै उत्साहित भएर कम्मर भाच्दै नाचिरहे ।आजसम्म यतै छु, क्यारी आऊ भेट्नलाई क्षितिज पारी मेरो बस्तीमा भन्ने गीत गाउँदै टीका पुन स्टेज चढिन, कार्यक्रमको सभापति माया केसीलाई उपहार प्रदान गर्दै आँसु बरर, पिरतीले मलाई जोगी बनायो, जमिनै थरर, कर्मले घुमायो, टिपन सकिन खाईन बरिलै, कर्मैले रुवायो, पोखरा फेवाताल घुम्नलाई, तिजको लहर आयो बरिलै, जस्ता आधा दर्जन आफ्ना सङ्गीत पस्किईन, पुनले उपस्थित दर्शकहरु लाई भरपूर्ण मनोरञ्जन प्रदान गरिन ।
नेपाली महिला समाजकी अध्यक्ष लोकमाया केसीको सभापतित्व तथा नेपाली राजदूतावास कतारका महामहिम रमेश चन्द्र पौडेलको प्रमुख आतिथ्यमा कार्यक्रम सम्पन्न भएको हो । दोहामा स्थापित संघ संस्थाहरु को बाक्लो सहभागीता रहेको कार्यक्रममा कतारमा रहेका एकदर्जन भन्दाबढी कलाकारहरूले गायन, एकल नृत्य तथा सामूहिक नृत्य प्रस्तुति सगैं विविध मनोरञ्जनात्मक प्रस्तुतिहरू पेस गरेका थिए।बिचमा सचेतना सम्बद्ध जानकारी दिदै प्रश्न उत्तरका साथ सहि उत्तर दिने लाई पुरस्कार समेत प्रदान गरिएको थियो। वक्ताहरु नरहेको कार्यक्रममा प्रमुख अतिथि पौडेलले आफ्नो मन्तव्य बोल्दै उनले पहिलो पटक बिदेशमा पनि नेपाली दिदीबहिनीहरूको बाक्लो उपस्थिति देख्न पाउँदा खुसी व्यक्त गरे। पौडेलले नेपाली राजदूतावास कतारको तर्फबाट कतारमा रहेका नेपाली दाजुभाइ तथा दिदीबहिनीहरूलाई हरितालिका तिजको शुभकामना समेत व्यक्त गरे।
दिप प्रज्वलनबाट शुभारम्भ सहित अघि बढेको कार्यक्रममा संस्थाकी प्रथम उपाध्यक्ष तथा कार्यक्रम संयोजक सन्ध्या अर्यालले स्वागत मन्तव्य राखेकी थिईन। संस्थाकी प्रवक्ता तथा कार्यक्रम संयोजक शारदा भुजेल तथा महासचिव मेनुका खतिवडा भण्डारीले सहजीकरण गरेको कार्यक्रमलाई समापन गर्दै सभापति केसीले कार्यक्रममा उपस्थित भएर कार्यक्रमलाई सभ्य र भव्य बनाउनु हुने सम्पूर्ण नेपाली दिदीबहिनी तथा दाजुभईहरुलाई धन्यवाद प्रकट गर्दै हिन्दु नारीहरुको महानपर्व हरितालिका तिजको शुभकामना व्यक्त गर्दै समापन गरेकी थिईन । कार्यक्रमको मुख्य प्रायोजन भिक्टोरिया ज्वलर्स गोल्ड एण्ड डायमण्डले गरेको थियो ।
