२९ बैशाख, काठमाडौं । काठमाडौंको कीर्तिपुर नगरपालिकाको ९ वडा कार्यालयले सम्झौता गरेरमात्र घर, जग्गा वा कोठा भाडामा लगाउन वडावासिलाई सूचित गरेको छ । सम्झौता नगरि भाडामा लगाउ‘दा भाडा नतिरी सम्पर्कबिहिन हुने र कोठा खाली गराउन कानूनी जटीलता भएका घटना तथा समस्याहरु वडामा धेरै आउने गरेको भन्दै भाडामा लगाउन अनिवार्य दुईपक्षिय सम्झौता गरि वडा कार्यालयमा प्रमाणित गराउन वडावासिलाई सूचनामा अनुरोध गरिएको छ ।
कर्यवाहक वडाअध्यक्ष राजिता गौतम महर्जनद्वारा हस्ताक्षरित् सूचनामा आफ्नो घर, कोठा वा जग्गा भाडामा दिंदा अनिवार्य सम्झौता गरि वडा कार्यालयबाट प्रमाणित गराई दिएको र समयमा राजस्व तिरेको खण्डमा भाडा विवादका समस्याहरु समाधान गर्न सहज हुने उल्लेख गरिएको छ ।