दोहा,कतार : नेपालली युवा पुस्ताहरुले अत्यन्तै रुचाईएको सुप्रसिद्द ब्याण्ड “बि-8एट”कतार आउने भएको छ । मुग्लिनामा अबस्थित होटल भीआईपीको “M” फ्लोरमा रहेको ‘प्लानेट लन्ज एन्ड क्लब’ले आयोजना गरेको साँगीतिक कार्यक्रममा लाईभ प्रस्तुतिका लागि ब्यान्ड कतार आउन लागेको हो ।

कतारमा स्थापित व्यवसायी तथा एसियाना दोहोरी साँझ तथा गजल बारका सञ्चालक समेत रहेका प्रविन गुरुङले सञ्चालनमा ल्याएको उक्त क्लबमा ब्यान्डले यही शुक्रबार ८ अगस्ट राति प्रस्तुति दिने छ । यो भन्दा आगाडी क्लबले नेपालका प्रख्यात ब्याण्डहरु ल्याएर दर्शकहरु लाई मनोरन्जन दिने गरेको छ। सयौंलाई रोजगारी प्रदान गरेका प्रतिष्ठित ब्यबसायीका रुपमा चिनिने ब्यबसायी गुरुङले दुवै स्थित अबुदाबिमा हाल एसियाना दोहोरी साँझ तथा गजल बार संचालनमा ल्याउन लागेको हामिलाई जानकारी दिएका छन् । नेपाली सांगीति जगतमा युवापुस्ताहरुमा हिपहप तथा र्याप गितहरुको बढ्दो चाहना र रुची रहेको छ,एक दशक भन्दा अगाडी यस्तो प्रकृतिको गित संगीतलाई हेर्ने दृष्टिकोण अलग थियो,त्यो समय देखि ब्याण्ड आफ्नो साँगीतिक यात्रालाई निरन्तरता दिदै यहाँसम्मको यात्रा सफलता साथ तय गर्न पुगेको छ । ब्यान्डले आफ्ना चर्चित गीतहरू के यो माया हो,आँखाको बाटो, कलिकती,मैच्यांग,हल्का हल्का, यसरि नै,लाग्दैन,सुनचादी जस्ता लोकप्रिय गीतहरू प्रस्तुत गर्नेछन् ।

कार्यक्रममा प्रवेश गर्न,पुरुषका लागि ५० कतारी रियाल र महिलाका लागि निशुल्क प्रवेशको व्यवस्था गरिएको ब्यबस्थापक रोशन सुबेदीले जानकारी दिए । सुबेदीले केहि समयको अन्तराल पछी नेपाली कार्यक्रम आयोजना गरेको साथै बेला-बेलामा यस्ता कार्यक्रमहरु निरन्तर आयोजना गरिने बताए । कार्यक्रमका लागि क्लबको ढोका दिउँसो ६ बजेबाट खुल्ने र साँझ ८ बजेबाट सांगीतिक प्रस्तुतिहरु सुरु हुने बताए । नेपाली कला, गीत, संगीतलाई माया गर्ने सबैलाई कार्यक्रममा उपस्थितिका लागि क्लब सञ्चालकले अनुरोध गरेका छन् । थप जानकारीका लागि कार्यक्रम संयोजकलाई ७०६६५६४४ मा सम्पर्क गर्न सकिने बताइएको छ ।