रोशन अर्याल
संवाददाता
नबिन संचार, कतार ।
गण्डकी प्रदेश समन्वय परिषद कतारले, कतारमा कार्यरत श्रमिकहरु लाई लक्षित गरेर सचेतना कार्यक्रम गर्ने भएको छ । कार्यक्रममा मुख्य पाँचओटा विषयबस्तु माथि केन्द्रित गरेर:सुरक्षा,सचेतना एवंम् व्यक्तित्व बिकाश कार्यक्रम २०२५” प्रशिक्षण कार्यक्रम गर्न लागिएको हो । कतारको कानूनी व्यवस्थाका बारेमा जानकार नभएर अफ्ट्यारो अबस्थामा कोहि पनि नपरोस भन्ने हेतुले कतार मुलुकको ऐन, कानुनका सम्बन्धमा प्रो. श्री मोहम्मद रमजान अलि मियाँले प्रशिक्षण दिनुहुने छ, बिशेष गरेर कतारमा कार्यरत श्रमिकहरु प्रतिकूल मौसमहरु मा पनि कार्यस्थल तथा अन्य स्थानहरु मा आपनाउनु पर्ने सतर्कता बारे तथा स्वास्थ्य, सुरक्षा एवम वातावरण सम्बधित जनचेतना श्री बिमल सुबेदिले प्रशिक्षण दिनुहुने छ, हाल बैदेशिक रोजगारीका लागि जानु हुने नेपालीहरुका लागि अनिवार्यरुपमा रहेको सामाजिक सुरक्षा बारेमा प्रशिक्षण श्री अर्जुन पौडेलले दिनुहुने छ । जीवन-बिज्ञान सम्बन्धि जिउने कला, योग ध्यान मार्फत स्वस्थ रहने, अनि रक्तदानका सम्बन्धमा श्री रामजी खत्रीले प्रशिक्षण दिनुहुने छ । बैक तथा वित्तीय सस्थाहरु मार्फत सुरक्षितरूपमा कारोबार रेमिटेन्स तथा बैकिङ साक्षरताका सम्बन्धमा आईएमी लिमिटेड कतारका कन्ट्री हेड़ श्री हेमराज सुबेदी, ग्लोबल आईएमी लिमिटेड कतारका श्री प्रशान्त के.सी., नबिल बैक कतारका कन्ट्री म्यानेजर श्री दिपेन्द्र पौडेलले प्रशिक्षण दिनुहुने छ । प्रदेशले गत वर्ष पनि स्वास्थ सम्बन्धित सचेतना कार्यक्रम आयोजना गरि नेपालका प्रसिद्ध मनोरोग विश्लेषक वाशु आचार्यलाई आमन्त्रण गरेर भब्य कार्यक्रम सम्पन्न गरेको थियो । यो बर्ष पनि मुख्यतया श्रमिकहरु लाई लञ्छित गरि फरक-फरक विधाहरुमा प्रशिक्षण कार्यक्रम राखिएको हुनाले जो कोहि पनि सहभागी भएर प्रशिक्षित हुन सक्ने प्रदेशका अध्यक्ष नन्दलाल बिस्वकर्मा (अजय) ले जानकारी दिएका छन् ।
प्रशिक्षण तथा संचेतना कार्यक्रम भएकाले सबै बिषय बस्तुहरु समेट्नका लागि बक्ताहरु नरहेको र सहभागीहरु लाई झिंजो महशुस नहोस भन्नका निमित्त साहित्यकार तथा प्रदेशका सल्लाहकार समेत रहनु भएका श्री सिताराम थापा ज्यूबाट रोचक अनि रमाईला कबिता, मुक्त्तकहरु वचन गर्ने कार्यक्रम रहेको प्रदेशका महासचिव मनप्रसाद रानामगरले बताएका छन्,कार्यक्रममा उपस्थितिका लागि दोहाका बिबिन्न ठाउँहरु बाट यातायातको ब्यबस्था गरिएको र यातायातका सुबिधाका लागि यातायात संयोजक घनश्याम जैसीलाई (५११०४५३३) नम्बरमा सम्पर्कको लागि अनुरोध गरिएको छ । सह-आयोजक जिल्ला सस्थाहरु ले आफ्नो जिल्लामा अबस्थित पुरातात्विक एवंम् प्रसिद्ध स्थानहरु लाई पर्यटक पर्बद्वनका निमित्त भिडियोग्राफी मार्फत देखाईने छ। जीवन बिज्ञान कतार र नेपाली रक्तदाता संघ कतार अबध्द रहेको कार्यक्रममा प्रदेशका सक्रिय नौओटा जिल्लाहरु, क्रमश: कार्की आदर्श समाज कतार, स्याङ्गजा सहयोग समाज कतार, बाग्लुंग सेवा समाज कतार, पर्बत समाज कतार, गोरखा सेवा समाज कतार, म्याग्दी प्रवासी नेपाली संघ कतार, तनहु सेवा समाज कतार, लमजुंग सेवा समाज कतार, नवलपुर सेवा समाज कतार सह-आयोजक रहेका छन्, अल थुमामा अबस्थित दि अट्रियम सभाहलमा, यहि ८ अगष्ट शुक्रबार दिनको १२.३० बजे देखि शुरुहुने कार्यक्रम निर्धारित समयमै शुरु तथा अन्त हुने भएकाले समयमा उपस्थित हुनका लागि कतारवासी सम्पूर्ण नेपालीहरु लाई अपिल गर्दै कार्यक्रम पूर्ण तयारी अबस्थामा पुगेको कार्यक्रम संयोजक कल्याण थापाले जानकारी दिएका छन् ।
