जीवनका १५ वर्ष…
सपना, संघर्ष, सम्भावना र सफलताको संगालो।
साउदी अरबमा बिताइएका ती अमूल्य पलहरू —
जहाँ पसिनाले भविष्य सिंचियो, सम्झनाले मन भिज्यो।
✈️ सन् २०१० तिरको त्यो पहिलो पाइला —
अनिश्चितता र आशाको दोभानबाट सुरु भएको यात्राले
आज १५ वर्षको एक सम्पूर्ण अध्याय पूरा गरिसक्यो।
साउदीका थुप्रै सहरहरू मेरा जीवनका सम्झनामा अंकित छन् —
📍 दमाम
📍 हाफुफ
📍 हाफल अल-बादेन
📍 रफा
📍 आरार
📍 साकाका
📍 गुरियात
📍 ताबर्जल
📍 तुरेफ
📍 ताबुक
📍 मक्का
📍 ताइफ
📍 हाइल
📍 जेद्दा, अलुला, दुबा, हागल…
…र अझ थुप्रै ठाउँहरू —
जहाँ केवल पाइला मात्र हैन, भावना, अनुभव र आशा पनि रोपिए।
प्रत्येक सहरमा थिए संघर्षका आफ्नै कथा,
प्रत्येक गल्लीमा गुन्जिए परिश्रमका गीत।
साथीहरूको साथ, नेपालीपनको सान,
र मनभित्र गहिरो गरी जरा गाडेको मातृभूमिको माया —
यी सबैले यो यात्रा असल अर्थमा अविस्मरणीय बनायो।
जहाँ जहाँ पुगेँ, त्यहाँ त्यहाँ बोकेँ नेपालको झझल्को —
संस्कार, भाषा, भेष र आत्मीयता।
आज पनि साउदी अरब —
मेरो संघर्षको माटो, कर्मको थलो,
र कर्तव्यको मन्दिर बनेर उभिएको छ्।
लेखक -देबी बहादुर कार्की साउदी अरव
